2026年之前,我哋至少做啱咗:
- 完成遷冊去新加坡呢項龐大而有趣嘅工程.
- 趁EGS仲有可觀嘅發展空間,落重注將研發重心,由挪威搬去美國.
睇人打牌睇咗幾十年,我嘅領悟係,其實做生意其實同打牌好似.唔係人人都適合坐低慢慢造牌,甚至而家直情唔做牌,呢個年代講快上快落,抽水都抽得快啲.今時今日嘅能源工程一樣,探井,鑽井要等5-10年先有機會成功商運,但現實係唔搵人融資,現金流好易頂唔順.所以呢幾年我提出,與其等口井,反正我哋研發咗好多鑽井工具,不如拎埋出嚟賣好過.
我哋做咗幾十年工業生產線Sensor,鑽過隧道,排污渠,近10年開始鑽井,完全了解到鑽井會遇到咩問題,管理生產線有咩顧慮,呢次見美國鑽頁岩油同我哋EGS技術可以話完全對接,所以呢次全力向美國輸出技術.
遷冊去新加坡呢一步,老實講完全唔浪漫,呢4年來長期喺3個時區之間覆電郵,基本上長期Jet lag狀態,搞足4年先完成,但我知呢個係進入美國市場嘅最低消費,捱過呢關,先有資格去美國搵食.